ચોમાસાની ભીની સવારે સૂર્યના કિરણો મારા બગીચામાં પ્રસરી રહ્યા હતા.

ગરમાગરમ ચા પીવાની શરુઆત કરુ ત્યાંતો મારી નજર પડી એક અળસિયા પર.

અમળાતું – સળવળતું જમીનને છીદ્રાળુ બનાવતુ,

પોતાના દિવસની શરુઆત કરી ચૂક્યું હતુ.

રંગીન પતંગિયુ પણ આવી પહોચ્યું.

અહી-તહી ઉડાઉડ કરતું .. દ્ર્શ્યને અતિસુંદર બનાવતું ..

બંને જણ જાણે ભેગા મળીને મને કહેતા હતા કે :

જીવનનો આજનો દિવસ તારા હાથમાં છે.

પરિશ્રમના પરસેવાની સુગંધ આજે કરવાના કામોમાં ઉમેરી દેજે.

જેથી સાંજની ચા પીવાના સમયે,

આજનો દિવસ જીવ્યાનો સંતોષ થાય.