વધતી જતી

વધતી જતી જનસંખ્યા,

હવે દેખાય છે ટ્રેઇનોમાં;

વધતી જતી પ્રભુ પરની આસ્થા,

હવે દેખાય છે ઉત્સવોની ઉજવણીમાં;

વધતી જતી મોઘવારી,

હવે દેખાય છે ગજવાના એક્ષરેમાં;

વધતી જતી મુશ્કેલીઓ,

હવે દેખાય છે લોકોના ચહેરા પર;

વધતી જતી મુંઝવણો,

હવે દેખાય છે બંધ આંખે જાગતા વિચારોમાં;

વધતી જતી તરસ,

હવે દેખાય છે પાણીના પાઉચમાં;

વધતી જતી જીન્દગીની ઝડપ,

હવે દેખાય છે પગરખાના ઘસારામાં;

વધતી જતી હાંફ,

હવે દેખાય છે મોર્નીંગ વોકમાં;

વધતી જતી ફેશન,

હવે દેખાય છે વસ્ત્રોના ઘટાડામાં;

વધતી જતી જવાની,

હવે દેખાય છે રંગાયેલા વાળમાં;

વધતી જતી ભૌતિક ભૂખ,

હવે દેખાય છે અપરાધોમાં;

વધતી જતી ઉંમર,

હવે દેખાય છે મૃત્યુની પ્રતિક્ષામાં.