ખબર

ખબર તો હતી કે થંડી બાદ ગરમી આવશે,
પણ એ ખબર નહોતી કે ગરમી આટલી જલદી આવશે,

ખબર તો હતી કે આવક બાદ જાવક થશે,
પણ એ ખબર નહોતી કે જાવક આટલી જલદી થશે,

ખબર તો હતી કે ભરતી બાદ ઓટ આવશે,
પણ એ ખબર નહોતી કે ઓટ આટલી જલદી આવશે,

ખબર તો હતી કે લખ્યા બાદ ભુંસવાનું આવશે,
પણ એ ખબર નહોતી કે આટલું જલદી ભુંસવું પડશે,

ખબર તો હતી કે સથવારા બાદ એકલતા આવશે,
પણ એ ખબર નહોતી કે એકલતા આટલી જલદી આવશે,

ખબર તો હતી કે મિલન બાદ વિરહ આવશે,
પણ એ ખબર નહોતી કે વિરહ આટલો જલદી આવશે,

ખબર તો હતી કે જન્મ બાદ મૃત્યુ આવશે,
પણ એ ખબર નહોતી કે મૃત્યુ આટલું જલદી આવશે,

ખબર તો હતી કે મૃત્યુ બાદ મોક્ષ થશે,
પણ એ મૃત્યુ બાદ પુન:જન્મ થયો.

ખબર તો હતી કે માણસ બનીને જીવવાનું ભુલાઇ ગયું હતું,
હવે ખબર પડી કે,

ફરી પાછો માણસ બનીને કેમ જન્મ્યો ?