ગડમથલ

ગડમથલ તો એવી હતી કે,
લગ્ન કરું કે ના કરું ?

ગડમથલ તો એવી હતી કે,
સાદગી થી કરું કે ઝાકઝમાળથી કરું ?

ગડમથલ તો એવી હતી કે,
સગાને બોલાવું કે વહાલાઓને જ બોલાવું ?

ગડમથલ તો એવી હતી કે,
હનીમૂન પર જવું કે ના જવું ?

ગડમથલ તો એવી હતી કે,
કેરીયર લાંબી કરવી કે કુંઠુંબ વિસ્તારવું ?

ગડમથલ તો એવી હતી કે,
વધેલી ફરજ અને જવાબદારી કેવી રીતે નિભાવું ?

ગડમથલ તો એવી હતી કે,
ખોટાઓની વચ્ચે સાચો થઇને કેવી રીતે રહું ?

ગડમથલ તો એવી હતી કે,
સમયની સાથે જાતને ‘નવો’ કેવી રીતે કરતો રહું ?

ગડમથલ તો એવી હતી કે,
રીયલ લાઇફમાં વર્ચ્યુઅલ લાઇફનો પ્રભાવ કેવી રીતે અંકુશમાં રાખું?

ગડમથલ તો એવી હતી કે,
શ્વેત અને શ્યામ – કોને પસંદ કરું ?

ગડમથલ તો એવી હતી કે,
ગડમથલ વગર જીવી શકાશે કે કેમ ?

એટલે જ
ગડમથલ હવે એવી છે કે,
ગડમથલ સાથે દોસ્તી કેવી રીતે કરી લઉ ?

… તમારે માટે તો કોઇ ગડમથલ ઉભી નથી થઇને ???