જાણકારી અને ઓળખાણ

જેમને હું જાણતો નહતો,

તેમને ઓળખવા કેવી રીતે ?

જેમને હું ઓળખતો નહતો,

તેમને જાણવા કેવી રીતે ?

હા,

તેમના જેવો જ હું હતો,

એટલું જાણતો હતો કે,

કે થોડું જાણતો હતો

કે થોડી ઓળખાણ હતી.

એવું પણ બને કે,

હું તેમના જેવો જ હતો,

તે મને જાણતા હતા

તે મને ઓળખતા હતા

પણ, હું તે જાણતો ન હતો

પરંતુ,

એટલું જાણતો હતો કે,

હું થોડું જાણતો હતો

અને થોડી ઓળખાણ પણ હતી.

પણ

એ જાણતો ન હતો કે

ઓળખાણ કેવી રીતે હતી ?

એમને ઓળખવા હવે શું જાણવું બાકી હતું,

એ જાણતો ન હતો !!