ખોવાયા છે ……

.

ખોવાયા છે ……

હિન્દી ફિલમની પોલિસ થોડો જ છું કે તેમને ટેબલના ખાનામાં શોધવાના ?

રોકડીયો સંબંધ રાખ્યો છે એટલે કાંઇ બેન્કની પાસબુકમાં શોધવાના ?

બોલવામાં તીખા ખરા તેથી કાંઇ મરચાનાં ઢગલામાં શોધવાના ?

માથે ધોળા વાળ ખરા તેથી કાંઇ રૂની ગંજીમાં શોધવાના ?

જૂની ફ્રેમના ચશ્મા પહેરે તેથી કાંઇ તારક મહેતાને ઘેર શોધવાના ?

કાયમ રહે તરોતાજા તેથી કાંઇ બગીચામાં શોધવાના ?

મનની મસ્તી રાખી જાણે તેથી કાંઇ યોગક્ષેત્રમાં શોધવાના ?

તનની તંદુરસ્તી સાચવી જાણે તેથી કાંઇ જીમનેશીયમમાં શોધવાના ?

નિવૃતીમાં ય આરામ માટે પ્રવૃતિ ખોળી કાઢે તેથી કાંઇ પલંગ પર શોધવાના ?

નવું નવું જાણવા સતત મથતા હોય તેથી કાંઇ સ્કૂલમાં શોધવાના ?

નવા નવા પ્રયોગ કરતા હોય તેથી કાંઇ પ્રયોગશાળામાં શોધવાના ?

ખાટલેથી પાટલે અને પાટલે થી ખાટલે કરે એટલે કાંઇ તેમની સાસરીમાં શોધવાના ?

જેમને માટે ચાહ હોય તેમને વારંવાર ચા જરૂર પીવરાવે તેથી કાંઇ રેકડી પર શોધવાના ?

એ કહે કે તેમની પાસે સમય પુષ્કળ છે તેથી કાંઇ ઘડિયાળમાં શોધવાના ?

હવે તો ખોવાયેલાઓને શોધવા ગુગલેય ઓછું પડે છે તેથી એમને ફેસબુક પર શોધવાના ?

હા, શોધી તો જુઓ .. ખોટા નામે, ખોટા ફોટે, ખોટી વોલ પર

કદાચ જે ખોવાયા છે તે મળી ય જાય !!!