રક્ષાબંધન

બહેન
ભાઈ
સંબંધ
સંબંધોના બંધન …
રક્ષા
રક્ષાબંધન …
કોણ કોની રક્ષા કરે ?
શેની સામે રક્ષા કરે ?
રક્ષા કરવા કોણ જાય ?
ભાઈ કે બહેન ?
પોતાના બંધન છોડી સંબંધોની રક્ષા કેવી રીતે થાય ?
બે નાજુક સુતરના દોરા કાંડે બાંધી દેવાથી રક્ષા થાય ?
કે પછી ૬૦૦ રૂપિયે કિલોની કાજુકતરી રક્ષા કરવા પોરસ ચડાવે ?
આજ્ઞાચક્ર પર કુમકુમ તિલક પર બે દાણા અક્ષત ચોખા કોઈ શક્તિ પ્રદાન કરે ?
મારે લૌકિક બહેન નથી … અલૌકિક સંબંધો અનેક સાથે છે.
સંબંધોના બંધનમાં બંધાવા કે બાંધવાને બદલે …
બાંધેલા સંબંધોની રક્ષા કરવા વિચાર કરીએ ..
વાણી, વર્તન, વ્યવહાર અને વ્યવસ્થાની અનિવાર્યતા સમજી પરંપરાગત સંબંધોના સાસ્કૃતિક મુલ્યોની રક્ષા કરીએ તો કેવું ?
બહેન અને ભાઈ થી જ શરૂઆત કરી શકાય .. આજે … અત્યારે … હમણા જ. તો જ ભાણીયા અને ભાણેજ કે ભત્રીજા કે ભત્રીજીઓંમાં રક્ષાબંધનના સાચા સંસ્કારનું સિંચન સંભવ બનશે.